Швајцарија е прогласена за најдобра земја во светот трета година по ред, според новото истражување објавено од U.S. News & World Report во својата годишна листа на најдобри земји. 15 европски земји се најдоа на првите 25 места, додека Источна и Југоисточна Азија зазедоа четири места, а Блискиот Исток две места. Северна Америка и Океанија имаат по две места.
Истражувањето ги зело предвид мислењата на повеќе од 17.000 луѓе ширум светот за да процени како секоја нација е рангирана во категории како што се моќ, отвореност за бизнис и културно влијание.
На врвот на листата е Швајцарија, која од 2017 година речиси секоја година е на првото место. Во извештајот се наведува дека е „зајакната со значителни резултати во три од најважните поткатегории: квалитет на живот, претприемништво и социјална цел“.
Јапонија, која напредуваше четири места за една година, е на второто место поради високите рангирања во категоријата претприемништво. САД се рангирани како трети, со подобрување за две места во однос на претходното рангирање. Таа беше прва по моќ и агилност, втора по претприемништво и трета по културно влијание.
Други земји во топ 10 се Канада, Австралија, Шведска, Германија, Велика Британија, Нов Зеланд и Данска.
Норвешка, Франција, Холандија, Сингапур, Италија, Кина, ОАЕ, Јужна Кореја, Шпанија, Финска, Австрија, Исланд, Белгија, Ирска и Катар се од 11. до 25 .места.
На вториот, последен крај на листатам се најдоа земји од Африка, Блискиот Исток, Јужна Америка и Источна Европа.
Украина, која издржа 30 месеци брутална војна со Русија, е меѓу најниско рангираните земји во светот, на 80. место. Таа падна за најголем број места на рангирањето, од 68. на 80. место за само една година. Русија, пак, напредуваше за едно место во рангирањето и се пресели од 37. на 36. позиција.
По Украина следат Азербејџан, Иран, Казахстан, Хондурас, Камерун, Алжир, Либан и Белорусија.
Неодамнешните глобални настани значително го променија рангирањето на нациите, особено на Блискиот Исток. Перцепциите за посветеноста на Израел кон човековите права, политичката стабилност и приспособливоста значително се намалија оваа година, во согласност со настаните во текот на годината.
(92putovanja)
(фото: Flickr)
