Американскиот претседател Доналд Трамп синоќа побара од Министерството за финансии да го запре производството на ковани центи, сметајќи дека е прескапо и со цел да се намали јавната потрошувачка.
„САД премногу долго коваа монети и тоа е џабе. Побарав од министерот за финансии да престане да произведува нови центи“, напиша Трамп на својата социјална мрежа Truth Social.
Милијардерот Илон Маск, кој ја предводи Комисијата за владина ефикасност (DOGE), го покрена ова прашање во јануари, наведувајќи ги трошоците за производство на центи.
Дебатата за ова не е нова во САД, бидејќи неколку нацрт-закони веќе се претставени во Конгресот, но не се усвоени. Доколку Трамп го потпише указот, американскиот Конгрес најверојатно ќе треба да го одобри.
Трамп го направи намалувањето на владините трошоци како приоритет за неговата администрација, а ова прашање им го довери на Маск и тимот на комисијата.
Канада престана да произведува центи уште во 2012 година поради високите трошоци за производство.
(Bizlife)
(фото: Wikimedia)
