Економскиот раст во Европа забави на годишна основа. Во еврозоната, растот на БДП се намали од 1,3 проценти во четвртиот квартал од 2025 година на 0,8 проценти во првиот квартал од 2026 година. Во Европската унија како целина, забавувањето беше од 1,4 на 1,0 проценти во истиот период, според податоците на Евростат од среда.
На квартално ниво, ЕУ одржа стабилен раст од 0,2 проценти, додека Еврозоната забележа мало забавување од 0,2 на 0,1 процент. Највисок квартален раст е забележан во Финска, каде што БДП порасна за 0,9 проценти, додека во Ирска БДП имаше негативен квартален раст од -2,0 проценти.
Податоците од пазарот на трудот покажуваат мало зголемување на вработеноста, и во Еврозоната и во ЕУ, вработеноста се зголеми за 0,1 процент на квартална основа. Во споредба со истиот период минатата година, вработеноста се зголеми за 0,5 проценти во еврозоната и 0,6 проценти во ЕУ, што е малку послабо или на ниво од претходниот квартал.
Во исто време, годишниот раст на вработеноста во Еврозоната се забави од 0,7 проценти во четвртиот квартал од 2025 година на 0,5 проценти во првиот квартал од 2026 година, додека во ЕУ остана непроменет на 0,6 проценти.
Фото – Flickr
