Со зголемувањето на цените на авионските билети и трошоците за живот низ Европа, есенскиот градски одмор бара попаметно планирање на буџетот. Ако планирате патување во септември, добрата вест е дека постојат европски метрополи во кои можете да уживате за помалку од 60 евра на ден.
Туристичката агенција Thomas Cook ги анализираше цените во повеќе од 50 популарни градови низ континентот за да ги идентификува дестинациите со најдобра цена. Беа земени предвид просечната цена за ноќевање во хотел со три ѕвездички, оброк во прифатлив ресторан, кафе, локално пиво, дневна транспортна карта и влезници за атракциите.
Тирана нуди најдобра вредност за парите. Главниот град на Албанија го зазеде убедливо првото место, со просечна дневна цена од само 59 евра по лице.
Сместувањето во хотел со три ѕвездички во Тирана чини просечно 32 евра по лице по ноќ, оброк во поприфатлив ресторан чини околу 8,50 евра, додека локално пиво ќе чини само 1,50 евра.
Букурешт се најде на второто место, со просечна цена за вечера од околу 12 евра, а дневна карта за јавен превоз од само 1,50 евра. Градовите во Турција и Полска исто така се рангираа високо – а Истанбул се издвојува по своeтo исклучително прифатливo сместување со просек од 28 евра по ноќ.
„Градовите во Источна Европа и Турција постојано нудат најдобра прифатливост. Сепак, со бројот на туристи што постојано се зголемува, овие дестинации нема да останат скриени бисери долго време“, рече Николас Смит од Thomas Cook.
Топ 13 најпристапни градови за есен:
1.Тирана (Албанија) – 59 евра
2.Букурешт (Романија) – 66 евра
3.Анталија (Турција) / Варшава (Полска) – 78 евра
4.Истанбул (Турција) – 82 евра
5.Мугла (Турција) / Краков (Полска) – 87 евра
6.Вилнус (Литванија) / Франкфурт (Германија) – 90 евра
7.Лион (Франција) – 91 евра
8.Талин (Естонија) – 93 евра
9.Хераклион (Грција) – 99 евра
10.Порто (Португалија) – 100 евра
(Euronews Travel/Bizlife)
(фото: Flickr)
