Можете да ја почувствувате атмосферата на еден град едноставно со одење по неговите улици и посета на неговите најпознати знаменитости, но ако сакате вистински, автентичен увид во неговиот живот, треба да ги посетите неговите барови, пишува Time Out.
Kога станува збор за најдобрите барови, се повикува на „Европскиот водич за барови“, кој штотуку го објави своето годишно рангирање на 100-те најдобри места за пиење низ целиот континент.
На веб-страницата се наведува дека тие ги оценуваат баровите „едноставно врз основа на тоа колку добро го прават она што сакаат да го прават: спектакл, атмосфера, социјална сцена, интересни обичаи, локална култура и, секако, квалитетот и изборот на пијалоци“, а едно особено необично место го освои првото место.
Szimpla Kert, првиот „руин бар“ во Будимпешта, се најде на врвот на листата оваа година. Се наоѓа во напуштена фабрика и служи пијалоци од 2002 година.
Будимпешта е познатa по „руин баровите“ – места лоцирани во напуштени или запуштени згради, со еклектичен ентериер и изразито необична атмосфера – и ова место беше пионер меѓу нив. Според водичот на барови, посетата на Szimpla Kert се чувствува „како влегување во портал во друга димензија“.
Диско топки и светла се закачени речиси насекаде, музиката свири гласно, а гостите седат на сè – од тенки столчиња и удобни софи до пренаменети автомобили – во просторот сличен на лавиринт.
На второто место се најде Retsins Lucifernum, необична комбинација од музеј и бар сместен во стара масонска вила во Бриж. Ова интимно место може да прими до 20 гости истовремено, а работното време варира, па затоа е најдобро однапред да проверите кога е отворено.
На третото место се најде La Fleur en Papier Doré во Брисел, додека Goupil Le Fol, исто така во белгискиот главен град, и Златна Рибица во Сараево, ја заокружија првата петорка.
Топ 10 барови во Европа:
1.Szimpla Kert, Будимпешта
2.Retsins Lucifernum, Бриж
3.La Fleur en Papier Doré, Брисел
4.Goupil Le Fol, Брисел
5.Златна Рибица, Сараево
6.Jazzlocal на Papa Joe, Келн
7.t’Brugse Beertje, Бриж
8.Bar Marsella, Барселона
9.U Hrocha, Прага
10.Le Pot Au Lait, Лиеж
(Nova.rs)
(фото: Wikimedia)
