Компанијата GMO AI & Robotics Corp најави дека наскоро на улиците на Токио ќе се појави специјално опремено возило, наменето за сервисирање на хуманоидни роботи во случај на дефекти или проблеми во работењето.
Според новинската агенција Кјодо, возилото – кое компанијата го нарекува GMO Humanoid Ambulance (Хуманоидна амбуланта на GMO) – е опремено со неопходни резервни делови и алат, а во него ќе има и инженер за вршење на поправките.
Во мај Јапонија започна пилот-проект за користење роботи за транспорт на багаж на аеродромот Ханеда во Токио, а од минатиот месец роботите им даваат услуги на патниците на железничките станици.
Јапонската влада активно го поттикнува развојот на домашна вештачка интелигенција како дел од своите напори за обезбедување на националната безбедност и заштитата на податоците.
(021)
