Најдобрите светски авиокомпании за 2026 година беа прогласени на церемонијата „World Airline Awards 2026“, при што дојде до промена на самиот врв. Singapore Airlines го зазеде првото место, потиснувајќи го минатогодишниот победник, Qatar Airways, на втората позиција.
Резултатите беа објавени на 18 септември на церемонијата на „Skytrax World Airline Awards“ во Лондон. Oва е шести пат Singapore Airlines да ја освои оваа титула. Авиокомпанијата Cathay Pacific од Хонг Конг се најде на третото место, додека ANA All Nippon Airways и Turkish Airlines го заокружија списокот на петте најдобри. Singapore Airlines исто така освои награди за најдобра економска класа и најдобра услуга за храна и пијалаци во економската класа во светот, како и признание за најдобра авиокомпанија во Азија.
Рангирањето се заснова на годишната анкета на патници спроведена од Skytrax.
Во периодот од септември 2025 до август 2026 година, беа собрани над 24,8 милиони одговори од патници ширум светот, опфаќајќи повеќе од 300 авиокомпании.
Иако Singapore Airlines ја освои главната награда, Qatar Airways не остана без признанија. Авиокомпанијата освои четири награди, вклучувајќи ја и титулата за најдобра авиокомпанија во бизнис-класа – признание што го добива по 13-ти пат. Qatar Airways беше пофалена и за најдобрата лонџ-сала (салон) за бизнис-класа и беше прогласена за најдобра авиокомпанија на Блискиот Исток. Исто така, ја освои и првата награда досега за најдобар Wi-Fi интернет за време на летот, пренесува „Time Out“.
Најдобрите авиокомпании во светот за 2026 година se:
1.Singapore Airlines
2.Qatar Airways
3.Cathay Pacific Airways
4.ANA All Nippon Airways
5.Turkish Airlines
6.Emirates
7.Air France
8.Hainan Airlines
9.Japan Airlines
10.Korean Air
(021)
(фото: Unsplash / John McArthur)
