(ГАЛЕРИЈА) Загрепчани први во Европа го видоа Tesla Model 3, еден од најиновативните автомобили во светот

Во рамки на проектот „Татковината на Никола Тесла“ („Domovina Nikole Tesle”) во Загреб на Цветниот плоштад беше претставен најновиот модел на електричен автомобил на Илон Маск, Tesla 3. Ова е прво претставување на возилото по официјалната презентација во САД и прво претставува во Европа.

Станува збор за возило кое веќе при првото претставување пролетта минатата година предизвика голем интерес и ја симболизира транзицијата до пристапен електричен автомобил со голем досег и најнапредна технологија од иднината, пишува Zimo.

Така, Загреб стана првиот европски град кој на своите жители и го претстави Tesla Мodel 3, а одблиску можеше да се погледнат и Tesla Мodel S и Tesla Мodel X, кои исто така се примери за најсовремена технологија во светот.