13.7 C
Skopje
среда, ноември 20, 2019

Франција усвои закон за оданочување на технолошките гиганти

Kabtel desktop

Францускиот парламент усвои закон за оданочување на технолошките гиганти како што се Google, Apple, Amazon и Facebook и покрај критиките од САД. Новиот закон предвидува воведување данок од 3% за компаниите чии глобални приходи надминуваат 740 милиони евра, од што повеќе од 25 милиони евра се приходи генерирани во Франција.

Ќе се оданочуваат и надоместоците кои интернет-платформите ги наплаќаат за посредување при продажба, како и нивните приходи од огласување и од продажба на кориснички податоци. Компаниите кои преку Интернет директно им ги продаваат своите производи на купувачите нема да подлегнат на обврската да го плаќаат новиот данок.

Предлогот за новиот закон беше усвоен со 55 гласови „за“ и 4 воздржани. При презентацијата на законот во собранието министерот за финансии, Бруно ле Мер, истакна дека Франција е првата земја која го воведува овој данок, убедени се дека овој пример наскоро ќе го следат и многу други земји.

Шпанија исто така има намера да воведе данок од 3% за технолошките компании, а Австрија минатата недела најави дека оданочувањето кај нив ќе биде по стапка од 5%. Германско-француската иницијатива за воведување сличен данок во ЕУ доживеа неуспех поради противењето на земји како Ирска, Данска и Шведска. Европската комисија во март минатата година процени дека дигиталните компании како Facebook, Amazon и Google ефективно плаќаат даноци по стапка од 9,5%.

Сподели!
  •  
  •  

НАЈПОПУЛАРНИ

Сподели!
  •  
  •