Сонда лансирана од Кина на почетокот на мај слета на далечната страна на Месечината за да собере примероци. Сондата Chang’e 6, која полета од Центарот за вселенско лансирање Венчанг на тропскиот остров Хаинан, слета според распоредот во огромниот басен на Јужниот пол – Аиткен, еден од најголемите познати кратери од удар во Сончевиот систем.
53-дневната мисија, лансирана на 3 мај, треба има за цел да се земат првите примероци од далечната страна на Месечината, област која ретко ја истражуваат Земјините сателити. Сондата ќе се обиде да собере лунарен материјал и да спроведе други експерименти во зоната на слетување, користејќи ја својата подземна дупчалка за извлекување примероци и роботската рака за зграпчување на материјалот.
Процесот треба да се заврши во следните два дена. Кина веќе испрати сонда на далечната страна на Месечината во 2019 година, но не донесе никаков примерок.
Научниците веруваат дека далечната страна на Месечината – така наречена затоа што е невидлива од Земјата, а не затоа што никогаш не ги фаќа сончевите зраци – има повеќе услови за истражување бидејќи нејзините кратери се помалку покриени со антички текови на лава отколку оние на блиската, видлива страна.
(Zimo)
(фото: YouTube)
