Што е добар сон? На различни луѓе им треба различни количини на сон. Дали на жените им треба повеќе сон од мажите? Според науката, да. Кога станува збор за хигиената на спиењето, повеќето од нас веруваат дека универзалниот стандард на спиење е близу осум часа. Сепак, студиите покажаа дека тоа не е сосема точно. На различни луѓе им треба различно време во земјата на соништата за да функционираат најдобро.
Алин Александар, експерт за женско здравје и сон и основач на онлајн-страницата за обука Nourish, зборуваше на тема: Дали на жените навистина им треба повеќе сон од мажите?
Неколку научни студии ги испитуваа нашите навики за спиење врз основа на полот и открија дека жените во просек спијат 6 до 28 минути подолго од мажите. Сепак, д-р Алин нагласи дека „истражувањето во оваа област е ограничено“.
Постојат неколку теории за тоа зошто жените имаат тенденција да спијат неколку минути повеќе (во просек) од мажите. Бидејќи спиењето е регулирано со хормони, нашиот пол всушност може да влијае на тоа колку ни треба.
„Кога станува збор за физиологијата, женските хормони играат огромна улога во сонот. Ова вклучува сè, од менструација до бременост и менопауза. Сите овие сценарија може да имаат негативно влијание врз спиењето од очигледни причини. „Генерално, ова значи дека жените имаат поголема потреба за сон и имаат поголема веројатност да спијат во текот на денот“, објаснила Алин.
Жените исто така се повеќе склони кон несоница, пишува Glamour.
Потоа, тука е прашањето што правиме во текот на денот – дали жените се малку поуморни од мажите?
„Жените обично се тие кои стануваат во текот на ноќта за да ги посетат децата или, во некои случаи, постарите родители“, вели д-р Александар. Истражувањата покажаа дека жените имаат тенденција да преземат најголем дел од домашната работа, од подготовка на оброци до чистење и грижа за децата. Ова може да биде уште една причина зошто им треба повеќе сон.
Колку повеќе сон им треба на жените?
Додека студиите може да покажат дека на жените технички им требаат во просек 11 минути повеќе, д-р Александар смета дека се потребни повеќе истражувања.
„Според моето професионално мислење, потребни ни се повеќе научни докази за да се поддржи ова тврдење“, рече таа. Во реалноста, не постои точна количина на време што ни треба на сите.
„Потребната количина на сон е различна и се е индивидуално, а не само стереотипно според полот“, посочи д-р Александар.Важно е да го слушате вашето тело бидејќи на крајот на денот, секој е различен.
„Препорачаната количина на сон за секој возрасен е осум часа, но на некои им оди добро со седум, а на други им требаат девет. Секогаш би препорачала да се прилагодите на вашето тело“, заклучила таа.
Извор: BIZLife
Фото – Pickpik
