Од 15 до 28 декември, во Тинекс Зебра, се реализира хуманитарната иницијатива Angel Tree, која има за цел да ги исполни новогодишните желби на деца од социјално загрозени семејства. Преку избор на „ангелска“ картичка и донирање подарок, граѓаните можат директно да придонесат кон создавање празнична радост и топлина за најмладите.
Целта на иницијативата која Тинекс ја спроведува во соработка со Центарот за Социјална Иницијатива – Надеж, е да се обезбеди празнична радост за деца од маргинализирани заедници преку исполнување на нивните новогодишни желби. Во рамки на акцијата, во трговскиот центар Зебра е поставено симболично „ангелско дрво“ со картички, од кои секоја претставува едно дете и неговата конкретна потреба или новогодишна желба.
Сите посетители на Тинекс Зебра имаат можност да се вклучат во иницијативата со тоа што ќе изберат картичка од елката, ќе ја прочитаат желбата, ќе го купат наведениот подарок и ќе го остават во означената кутија до дрвото. Подарокот потребно е да биде спакуван и означен со соодветната картичка, за да може да биде доставен на вистинското место.
Организаторите на иницијативата се задолжени за собирање и навремена дистрибуција на подароците, со цел тие да стигнат до децата пред празниците.
Преку оваа акција упатуваме повик до јавноста да се вклучи и да придонесе кон создавање празнична магија и топлина за оние на кои им е најпотребна.
Биди ангел и донеси празнична радост.
