Македонската компанија Армор Плус е единствената компанија од земјава што ќе учествува на престижниот меѓународен саем INTERSCHUTZ 2026, кој ќе се одржи од 1 до 6 јуни 2026 година во Хановер, Германија – најголемиот и најзначаен светски саем за противпожарна заштита, спасување, цивилна заштита и безбедносна опрема.
На овој светски важен саем компанијата Армор Плус од Скопје ќе ја претстави и својата најнова иновација – првото македонско заштитно одело сертифицирано според највисоките европски стандарди. Овој производ претставува важен исчекор не само за компанијата, туку и за македонската индустрија, потврдувајќи дека домашните компании можат рамноправно да конкурираат на глобалниот пазар со врвни, технолошки напредни решенија.
„На претстојниот саем INTERSCHUTZ во Хановер-Германија, Армор Плус настапува со иновација – нови колекции на заштитни одела за пожари на отворен простор,технички интервенции и елементарни непогоди креирани дизајнирани и произведени во Р.С.Македонија од страна на Армор плус доо Скопје. Сертифицирани се согласно најновите барања на нормите за таа намена во европски акредитирани лаборатории и претставуваат круна на нашата посветеност кон беспрекорната сигурност. Овој сегмент од нашето работење е од суштинско значење, бидејќи ја етаблира македонската експертиза како рамноправен чинител во индустријата за спасување, каде што технолошката прецизност е директно поврзана со заштитата на човечкиот живот.
Нашата амбиција е јасна – поставување нови стандарди во доменот на заштитната опрема и градење стратешки партнерства на европскиот и светскиот пазар. Овој производ е директен резултат на долгогодишното искуство, инженеринг и континуирано истражување на нашиот тим, кој преку длабинско разбирање на теренските предизвици, создаде решение што ги спојува врвната технологија и функционалната супериорност. Со овој исчекор, ја зацврстуваме позицијата на Армор Плус како синоним за доверливост и сериозен играч кој успешно го интегрира македонското знаење во глобалната безбедносна инфраструктура“, изјави Димитар Петрески, директор на Армор плус доо Скопје
INTERSCHUTZ важи за глобална платформа каде се претставуваат најновите технологии, иновации и решенија во областа на безбедноста, пожарникарството, спасувањето и цивилната заштита. Организаторите најавуваат рекордно издание во 2026 година, со повеќе од 1.500 изложувачи од над 50 држави и десетици илјади професионални посетители од целиот свет. (https://www.interschutz.de)
Под мотото „Safeguarding Tomorrow“, INTERSCHUTZ 2026 годинава се фокусира на идните предизвици во безбедноста и заштитата – климатските промени, природните катастрофи, модерната цивилна заштита, примената на вештачка интелигенција во кризен менаџмент, дигитализација на спасувачките служби и развој на нови генерации лична заштитна опрема.
Посебен акцент годинава ќе биде ставен на современата PPE (Personal Protective Equipment) опрема, каде светските производители ќе ги претстават најновите иновации во заштитни одела, шлемови, обувки и интелигентни системи за заштита на спасувачките и противпожарните тимови.
Во ваква светска конкуренција, учеството на македонската компанија АРМОР ПЛУС претставува значаен успех и потврда за домашниот квалитет и иновациски капацитет. Повеќе од две децении оваа компанија успешно ја гради позицијата како една од водечките специјализирани компании за работна облека и лична заштитна опрема во регионот. Компанијата е управувана од тим кој преку иновативни и креативни решенија успеа да постави нови стандарди на пазарот за безбедност и заштита при работа.
Во своите почетоци, компанијата беше фокусирана на производство и трговија со лична заштитна опрема, со јасна цел – обезбедување повисоко ниво на сигурност и заштита за секој поединец. Со текот на годините, АРМОР ПЛУС континуирано инвестира во развој, современи технологии и усогласување со највисоките европски стандарди, што резултираше со значително проширување на нејзиното портфолио и позиционирање како доверлив партнер во секторот.
Учеството на АРМОР ПЛУС на најголемиот светски саем од овој тип претставува значајна можност за промоција на македонското знаење, иновации и производствени капацитети пред светската професионална јавност, како и отворање нови можности за меѓународна соработка и извоз.
Компанијата упатува отворена покана до сите заинтересирани, да го посетат штандот на Армор Плус во хала 13 штанд B74
од 1 до 6 јуни.
