Земјите од ЕУ заработија 157,1 милиони евра минатата година од такси за апликации за визи кои на крајот беа одбиени, покажа нов извештај на невладината организација LAGO Kolektiv, врз основа на податоци од Европската комисија.
Во 2024 година ЕУ заработи 145,1 милиони евра од одбивање на визи, во споредба со 130 милиони евра во 2023 година.
Највисоки стапки на одбивање беа пријавени за апликации за визи од Бангладеш (54,5 проценти), Сенегал (52 проценти), Нигерија (48 проценти), Пакистан (46 проценти) и Ангола (45 проценти), објави EUobserver со седиште во Брисел.
Во исто време трошоците за одбивање на визи најмногу се зголемиле во Ангола, за 177 проценти на 2,9 милиони евра минатата година.
Основачот на LAGO Collective, Марта Форести, го опиша процесот на аплицирање за шенген виза како „визен режим кој функционира како данок на туризмот, бизнисот, трговијата и аспирациите“.
Праксата на ЕУ, наречена „обратни дознаки“, е извор на гнев во многу земји во развој, особено во Африка, која учествува со 42% во изгубените такси, иако континентот учествува со 24% во апликантите.
Европската комисија сега наплаќа такса за апликација за виза од 90 евра за возрасни лица кои патуваат во ЕУ, во споредба со 80 евра минатата година.
Таксите не се враќаат, без оглед на исходот.
(фото: Forbes)
(фото: Flickr)
