Поголемиот дел од производството е концентрирано во Бразил, Мексико и Венецуела
Производството на нафта во Латинска Америка и Карибите се зголеми за девет проценти на годишно ниво во првиот квартал од 2026 година, според новите податоци од Организацијата за енергија на Латинска Америка и Карибите (OLACDE). Според извештајот, вкупното производство достигна 324 милиони барели во март, објавува порталот на ТВ станицата Globovision.
Најголемиот дел од производството е концентрирано во Бразил, Мексико и Венецуела, а овие земји заедно сочинуваат 69 проценти од вкупното производство на сурова нафта во регионот. Покрај нафтата, позитивен тренд е забележан и во секторот за природен гас.
Производството на гас во Латинска Америка и Карибите се зголеми за пет проценти на годишно ниво во првиот квартал од 2026 година, достигнувајќи 22 милијарди кубни метри.
Аргентина го предводеше гасниот сектор, со 23 проценти од регионалното производство, по што следуваат Тринидад и Тобаго со 21 процент, Бразил со 15 проценти, Боливија и Мексико со по 10 проценти, додека Венецуела придонесе со девет проценти.
Зголемувањето на производството доаѓа во време кога енергетските пазари минуваат низ период на зголемена неизвесност поради геополитичките тензии и промените во глобалните текови на снабдување и дополнително да ја зајакне улогата на овој регион како алтернативен извор на енергија за светскиот пазар, додава Globovision, пренесува Tanjug.
Фото – Flickr
