Американскиот Стејт Департмент во соработка со CEED Македонија и CEED Hub Скопје нуди можност за учество на Central European Tech Innovation & Entrepreneurship Fellowship Program во Чикаго, програма преку која може да се стекнат нови искуства и нови знаења во областа на технологијата и претприемништвото.
Преку програмата претприемачи од Босна и Херцеговина, Хрватска, Словенија и Македонија есента 2018 година ќе поминат четири недели во Чикаго и ќе имаат можност да соработуваат со компании, стартапи, владини агенции, инкубатори, хабови за иновации и други организации што работат на поддршка на претприемништвото и иновациите.
За да се пријавите потребно е да бидете млад претприемач меѓу 25 и 40 години, моментално вработен и со работно искуство од две години во сектор кој одговара на програмата. Потребно е да имате резултати во вашата заедница, компанија или организација, да го владеете англискиот јазик и да бидете државјанин или моментално да живеете во една од државите за кои е наменет повикот.
Повеќе информации може да најдете на следниов линк. Апликацијата за пријавување на програмата Fall 2018 Pro Fellows ќе ја најдете на следниот линк.
Крајниот рок за пријавување е 30 април 2018 година. За повеќе информации околу процесот на аплицирање контактирајте ја Ана Трповска од CEED Македонија на следната имејл адреса: atrpovska@ceed-macedonia.org.
