Британија ќе забрани продажба на енергетски пијалаци на деца

Таканаречените енергетски пијалаци содржат високо ниво на шеќер и кофеин и се поврзани со дебелината и голем број други здравствени проблеми.

– Имајќи предвид дека илјадници млади луѓе редовно консумираат енергетски пијалаци бидејќи се поевтини од другите безалкохолни пијалаци, ние ќе ја разгледаме забраната за продажба на овие пијалаци на децата – рече премиерката Тереза Меј, се вели во соопштението.

Адолесцентите во Британија кои пијат енергетски пијалаци консумираат околу 50 отсто повеќе пијалаци од нивните врсници во Европа.

Владата почна консултации во кои ќе побара експертско мислење за возраста во која треба да се забрани потрошувачката на енергетски пијалаци.