7.8 C
Skopje
понеделник, октомври 3, 2022

Факелите за Олимписките игри во Токио ќе бидат направени од рециклиран метал од земјотресот во Фукушима

Kabtel desktop

Факелите за Олимписките игри во Токио во 2020 година ќе бидат направени од рециклиран метал од земјотресот во Фукушима. После разорниот земјотрес во 2011 година, беа направени алуминиумски привремени засолништа за погодените од временската непогода. Токму тој метал сакаат да го реупотребат организаторите на Олимписките игри.

Јапонија сака игрите во 2020 година да бидат запаметени како Олимписки игри на реконструкција и да покажат дека земјата закрепнала од бројните природни катастрофи кои ја погодија изминатите години. Но, „зелениот“ аспект на овие Олимписки игри не завршува со факелите.

Повеќе од 5.000 медали за натпреварувачите ќе бидат направени од рециклирана електроника од мобилните телефони. Бронзените медали веќе се готови, а направени се и половина од златните и сребрените медали. Понатаму, организаторите сакаат енергијата за Олимписките игри да биде целосно од обновливи извори. За стадионите ќе се користи енергија од ветрот и соларна енергија, како и за Атлетското село.

99% од продуктите кои ќе се користат за игрите исто така ќе бидат рециклирани или реупотребливи, а планираат да ја изнајмуваат спортската опрема наместо да ја купуваат.


Сподели!

НАЈПОПУЛАРНИ

Сподели!