Марк Цукерберг го надополнува своето веќе импресивно портфолио на недвижности со замок од 19 век во јужна Ирска. Извршниот директор на Meta и неговата сопруга, Присила Чан, се новите сопственици на замокот Странкали во округот Вотерфорд. Тие очигледно го стекнале имотот од 440 хектари „пред неколку недели“ во трансакција надвор од пазарот.
Иако точната цена што ја платилe останува нејасна, The Times процени дека имотот вредел помеѓу 20 и 30 милиони евра или приближно од 23,3 до 35 милиони долари. Продавачи се финансиерот Мајкл Ален-Бакли и неговата сопруга, Џанкарла Ален-Бакли, кои го купиле комплексот пред 25 години и воделе целосна реставрација во последните две децении.
„Марк и неговото семејство се возбудени што ќе продолжат да се грижат за овој историски дом и со нетрпение очекуваат да поминат време во Ирска, каде што Мeta го одржува своето меѓународно седиште“, изјави портпаролот на Цукерберг.
Изграден во 1830 година од архитектите Џејмс и Џорџ Ричард Пејн, замокот Странкали се протега на околу 16.000 квадратни метри и има фасада од камен во готски стил. Се вели дека содржи најмалку 11 спални соби и четири кули. Трикатната куќа е толку голема што наводно се потребни 4,5 минути пешачење од трпезаријата до кујната, според „Куќите на Ирска“, книга од 1985 година од Брајан Де Брефни и Розмари Фолиот.
Дополнително, имотот доаѓа со соодветна камена куќа, исто така дизајнирана од браќата Пејн, плус пристаниште на реката Блеквотер.
Цукерберг, шестиот најбогат човек во светот, и Чен првенствено живеат во Пало Алто со своите три деца, Максима, Август и Аурелија – но тие поседуваат и бројни други имоти. Меѓу нив е куќа во Мајами Бич вредна 170 милиони долари, резиденција во Вашингтон вредна 23 милиони долари и повеќе од 2.300 хектари на Хаваи.
Семејството нема трајно да се пресели на Смарагдниот остров, според The Times. Наместо тоа, тие ќе го користат замокот како база кога ќе го посетат европското седиште на Meta во Даблин, оддалечено околу 190 километри.
(Yahoo)
