Речиси три милиони возила на Tesla во Кина се повлечени поради безбедносни причини, бидејќи скриените рачки на вратите тешко се наоѓаат и отвораат во итни ситуации. Меѓу брендовите погодени од повлекувањето се кинеските производители на автомобили XPeng, Xiaomi и Geely.
Овие скриени рачки на вратите, пишува BBC, се дизајнирани да бидат незабележливо вметнати во панелот на вратата на автомобилот и да се извлечат само кога сопственикот ќе се приближи до возилото. Дизајнот беше под лупа по две фатални несреќи во Кина во кои учествуваа електрични возила на Xiaomi, каде што се сомневаше дека прекините во електричната енергија ги спречиле вратите да се отворат.
Tesla објави дека повлекува одредени возила Model 3, Y, S и X поради рачки на вратите кои се „тешки за гледање и користење бидејќи се во слична боја со внатрешните украси“. Тие исто така објавија дека ќе стават предупредувачки налепници на повлечените возила и ќе направат надградба на софтверот што автоматски ќе ги спушта прозорците на возилото по судир. Сепак, засега не е познато дали гореспоменатите компании планираат такво повлекување и во други земји.
Употребата на скриени рачки на вратите „почна“ откако кинеските производители на автомобили брзо почнаа да го копираат „елегантниот“ изглед на седанот Модел С на Тесла, уште во 2014 година. Кинеските власти ја објавија својата забрана во февруари.
Фото – Flickr
