Американската технолошка компанија Амазон објави планови за инвестирање на 16 милијарди евра во Германија во текот на 2027 година, со цел проширување на својата инфраструктура за cloud услуги, вештачка интелигенција (AI) и логистика.
Компанијата ја презентираше оваа инвестиција во вторник на „Инвестирајте во Германија самит“ (Invest in Germany Summit) во Берлин, нагласувајќи дека новите средства ќе бидат насочени кон создавање работни места, развој на технологијата и подобрување на регионалната инфраструктура, пренесува Anadolu Agency.
Од 2010 година, Амазон инвестираше повеќе од 100 милијарди евра во Германија, создавајќи повеќе од 40.000 постојани работни места на над 100 локации низ целата земја. Како дел од овој пакет, компанијата ќе ја прошири својата европска филијала на Amazon Web Services во Франкфурт, со цел да одговори на растечката побарувачка за напредни „cloud“ услуги и решенија базирани на вештачка интелигенција.
Новата инвестиција ќе поддржи и сателитска поврзаност преку проектот Amazon Leo, проширување на логистичките капацитети низ целата земја, како и создавање нова оригинална содржина за платформата Prime Video.
Германската федерална министерка за економски прашања и енергетика, Катерина Рајхе, го поздрави соопштението, истакнувајќи дека центрите за податоци со високи перформанси се основа на дигиталната економија.
Фото – Wikimedia
