Ако сте од оние луѓе кои додема работат, додека одмораат и во кој било момент од денот нешто чкртаат на хартија, сигурно ќе ве одушеви овој производ. Наместо да пишувате во 2Д на хартија и да замислувате како ќе изгледаат вашите чкртаници во живо, сега повеќе не мора да замислувате.
Пенкалото 3Doodler е првото пенкало во светот кое пишува во 3Д. Наместо мастило, во ова пенкало се ставаат мали, тенки стапчиња пластика. Таа пластика потоа стопена излегува од врвот на пенкалото и бидејќи брзо се стегнува, со ова пенкало можете да нацртате буквално се што ќе посакате.
3Doodler досега има повеќе од 2 милиони корисници, кои најмногу ги одушевува тоа што со пенкалото може да се пишува во воздух и тоа што ќе го креирате веднаш да го земете во рака.
