12.8 C
Skopje
недела, октомври 24, 2021

Паметно детско креветче ги успива бебињата со помош на вештачка интелигенција

Kabtel desktop

Една од најтешките работи со кои се соочуваат родителите поосле раѓањето на бебето е спиењето. Ретки се тие чии бебиња сами заспиваат и спијат најголем дел од ноќта или цела ноќ. Првите неколку месеци бебињата главно се будат повеќе пати во текот на ноќта и може со саати потоа да ги успивате.

Додека некои луѓе имаат дадилки или баби и дедовци на помош, изгледа дека во иднина на родителите кои имаат бебиња или мали деца ќе им помага вештачка интелигенција. Компанијата Cradlewise го најави својот нов производ – паметно креветче за деца со напредна технологија, вклучувајќи и вештачка интелигенција.

Над креветчето се наоѓа екран и камера преку која родителите можат да го проверуваат бебето кога не се во собата, како и звучник за да пуштат песни за успивање. Исто така, камерата го следи движењето на бебето и го анализира спиењето, а податоците за анализата на сонот ги испраќа до родителите преку апликација.

Покрај тоа, креветчето има и механизам за лулање со повеќе брзини и начини на лулање. Она што е навистина посебно е вештачката интелигенција, која го учи однесувањето и спиењето на детето и може да го прилагоди креветчето на неговите навики.

На пример, вештачката интелигенција знае која музика и кое лулање го смирува детето и ги активира. Исто така, кога камерите според движењето ќе препознае кога би можело да се пробуди бебето, активира лесно лулање на креветчето за повторно да го успие, а кога ќе заспие престанува и лулањето.

Cradlewise моментално го тестира креветчето во САД, а како што пишува Engadget, ќе може да се нарача во претпродажба почнувајќи од април годинава.

(Zimo)

(фото: Cradlewise screenshot)

Сподели!
  •  
  •  

НАЈПОПУЛАРНИ

Сподели!
  •  
  •