Научниците успеаја со помош на пластика да го реконструираат процесот на настанување на дијаманти и процесите кои се случуваат длабоко во најоддалечените планети од Сончевиот систем.
Претпоставката дека под исклучително висок притисок и високи температури, водородот и јаглеродот се претвораат во дијаманти на оддалечени планети како што се Уран и Нептун целосно го окупира мозокот на научниците веќе подолго време.
Најновото истражување на оваа тема, објавено во списанието Science Advance, сега го споменува и кислородот како еден од факторите во овој процес и оотврдува дека т.н. дожд од дијаманти е многу почеста појава отколку што се мислело порано, како и дека се случува во внатрешноста на планетите.
Познато е дека надвор од нашиот Сончев систем најчесто планетите се гиганти прекриени со мраз, а новите сознанија укажуваат на тоа дека дождот од дијаманти е многу честа појава која се случува длабоко во нив. Меѓутоа, научниците како што е авторот на новата студија, Доминик Краус, сметаат дека ваквиот вид на дожд се разликува од тие што се случуваат на Земјата.
Како го спровеле експериментот? За да го реконструираат овој процес Краус и неговиот тим од мешавина од јаглерод, водород и кислород од PET пластика и моќен оптички ласер решиле да направат дијаманти. Јакиот и краток влесок со голема јачина им овозможил да го набљудуваат процесот на настанување на мали и за човечкото око речиси невидливи т.н. нанодијаманти.
Експериментот на овој начин потврдил дека кислородот кој се наоѓа на оддалечените ледени планети помага атомите од водород да се одвојат од јаглеродот.
Според студијата објавена во списанието Science Advances, ова е повторување на експериментот направен пред над 5 години, но овој пат со користење на стариот и добар полиуретан терефтилат.
(Bizlife)
(фото: Flickr)
