Иран ги извести Советот за безбедност на Обединетите нации и Меѓународната поморска организација дека „непријателски бродови“ можат да поминат низ Ормутскиот теснец доколку прво се координираат со иранските власти. Пораката доаѓа во време кога војната меѓу САД и Израел против Иран речиси го запре преминувањето на околу една петтина од светската нафта и течен природен гас низ теснецот, предизвикувајќи значителни прекини во глобалните испораки.
Непријателските бродови, вклучувајќи ги и оние што им припаѓаат или се поврзани со други земји, можат да го остварат правото на безбеден премин низ Ормутскиот теснец во координација со надлежните ирански власти. Условот е тие да не учествуваат во агресија против Иран или да го поддржуваат и целосно да ги почитуваат објавените безбедносни прописи, се наведува во писмото.
Во меморандумот се наведува дека Иран “презел неопходни и пропорционални мерки за да ги спречи агресорите и нивните поддржувачи да го искористат Ормутскиот теснец за да спроведат непријателски операции против Иран“.
Се додава дека бродовите, опремата и целиот имот што им припаѓа на Соединетите Американски Држави или Израел, како и на другите учесници во агресијата, не ги исполнуваат условите за безопасен или ненепријателски премин.
(Reuters/ Byka.rs)
